ღირსი მაკარი, პელიკიტის მონასტრის იღუმენი, დაიბადა კონსტანტინოპოლში. იგი ადრე დაობლდა და გადაწყვიტა ღვთის მსახურებისთვის შეეწირა თავი. ღირსი მაკარი ბითვინიაში, პელიკიტის მონასტერში წავიდა. იქ იღუმენი იყო სახელგანთქმული მოღვაწე ღირსი ილარიონი (754; ხს. 28 მარტს). იღუმენის გარდაცვალების შემდეგ ძმებმა მის ადგილზე ერთსულოვნად მაკარი აირჩიეს. ხატმბრძოლი იმპერატორების, ლეონ სომეხისა (813-820) და მიხეილ  II-ის (820-829) მეფობის დროს ღირსი მაკარი წმიდა ხატთა თაყვანისცემისათვის კუნძულ ათუსიაზე გადაასახლეს, სადაც გარდაიცვალა კიდეც დაახლოებით 830 წელს.