ღირსი ბასიანე მონაზონი აღმოსავლეთ სირიაში დაიბადა. იგი იმპერატორ მარკიანეს (450-457 წწ.) ზეობაში მოსაგრეობდა კონსტანტინოპოლში.

აქ წმიდანმა დააარსა სავანე, რომელშიც თანდათან სამასამდე ბერმა მოიყარა თავი. მათ შორის იყო მამათა სამოსელში გადაცმული ღირსი მატრონაც (ხსენება 9 ნოემბერს).

ნეტარმა ბასიანემ ღრმა მოხუცებულობამდე იცხოვრა. ღვთივსათნო ცხოვრებითა და სასწაულებით ცნობილი წმიდა ბასიანე მშვიდობით აღესრულა და დაკრძალეს მის მიერვე დაარსებულ სავანეში.