ღირსი იოანე ქოზიბელი, კესარიელი ეპისკოპოსი დაიბადა ზემო ეგვიპტის ქალაქ თებეში და სიჭაბუკეშივე პაპასთან ერთად უდაბნოში გავიდა სამოღვაწეოდ.

როცა იოანეს წმიდა ცხოვრების შესახებ შეიტყვეს, ნეტარი კესარიის ეპისკოპოსად დაადგინეს. წმიდა იოანე ბრძნულად და სიყვარულით განაგებდა სამწყსოს, წინასწარჭვრეტისა და სასწაულქმედების ნიჭით დაჯილდოებული მღვდელმთავარი შინაგანად ყოველთვის უბრალო ბერად რჩებოდა.

მას უწევდა ბრძოლა იმ დროს გავრცელებული ნესტორიანული ერესის წინააღმდეგ, დაუცხრომლად იღწვოდა მართლმადიდებლური მოძღვრების განსამტკიცებლად და სამწყსოში არსებული მანკიერებების აღმოსაფხვრელად.

მას ერთი ცნობით, 536 წლამდე ეპყრა მღვდელმთავრის კათედრა, სხვა ცნობით კი — 587-596 წლებში.

ამის შემდეგ განმარტოების ტრფიალმა მამამ ქოზიბის უდაბნოს მიაშურა და აღსასრულამდე აქ მოსაგრეობდა.