ღირსი კოზმა განდეგილი VI საუკუნეში ცხოვრობდა პალესტინაში, ფარანის უდაბნოში. მონათხრობს წმიდა კოზმას შესახებ ვხვდებით იოანე მოსხის „ლიმონარში“.

ნეტარი მამა მკაცრი მმარხველი, მართლმადიდებლური სარწმუნოებისა და  საეკლესიო დოგმატების მტკიცე დამცველი იყო; იგი ღრმად ერკვეოდა წმიდა წერილში და ეკლესიის მამათა ნაშრომებში.

კოზმას განსაკუთრებული მოწიწების გრძნობა ჰქონდა ათანასე დიდის ნაწერებისადმი და ამბობდა: „თუ წმიდა ათანასეს სიტყვას გადაეყრები და ეტრატი არ გექნება, საკუთარ სამოსელზე ჩაწერე იგი“.